ජාතික පාසලක දරුවන්ට Online ක්‍රමයට උගන්වන විට අසභ්‍ය දර්ශන එවලා..

0
139

බළන්ගොඩ අධ්‍යාපන කලාපයට අයත් ප්‍රසිද්ධ ජාතික පාසලක දරුවන් මාර්ගගත ක්‍රමයට (Online) අධ්‍යාපනය ලබන අවස්ථාවේදී දරුවන්ගේ ජංගම දුරකථන වෙත (Whats app) අසභ්‍ය වීඩියෝ දර්ශන එවා ඇති බව පවසා එම පාසලේ පන්ති භාර ගුරුතුමිය පෙරේදා (21) දා බළන්ගොඩ පොලිසියට පැමිණිල්ලක් කර තිබේ.

එම ජාතික පාසලේ අදාළ ශ්‍රේණියේ ඉගෙනුම ලබන දරුවන් 50 දෙනකු එකතු කර Whats app කණ්ඩායමක් සකස් කර දරුවන්ට ඉගැන්වීම් කටයුතු කරන බවත්, එලෙස උගන්වන අවස්ථාවේදී කිසියම් පුද්ගලයකු හෝ කණ්ඩායමක් එම අසභ්‍ය වීඩියෝ දර්ශන සහ අසභ්‍ය ඡායාරූප එවා ඇති බවට සැක කෙරේ.

දරුවන් පනස් දෙනාගේ සහ ගුරුවරුන්ගේ ජංගම දුරකථනවලට එම දර්ශනය එකම වෙලාවේදී පැමිණ ඇති බවත්, එම පැමිණිල්ලේ සඳහන් බව පොලිසිය කියයි. අදාළ සිද්ධිය සම්බන්ධයෙන් විදුලි සංදේශ නියාමන කොමිෂන් සභාවේ දුරකථන විශ්ලේෂණය ලබාගෙන එම අපරාධය සිදුකළ අය හඳුනාගෙන නීතිමය කටයුතු සිදු කිරීමට පරීක්ෂණයක් ආරම්භ කර ඇතැයි පොලිසිය පවසයි.

LEAVE A REPLY

Please enter your comment!
Please enter your name here